पछिल्लो २४ घण्टामा थप १८६ जनामा कोरोना, १७३ संक्रमित डिस्चार्ज

नेपालमा सोमबार मात्रै थप १८६ जनामा कोरोना संक्रमण भएको छ

Khabar Mero

खबर मेरो ४ बर्ष अगाडि

नेपालमा सोमबार मात्रै थप १८६ जनामा कोरोना संक्रमण भएको छ । स्वास्थ्य मन्त्रालयको नियमित प्रेस ब्रिफिङका क्रममा मन्त्रालयका प्रवक्ता डा.जागेश्वर गौतमले पछिल्लो २४ घण्टामा देशभर गरी १८६जनामा कोरोना संक्रमण भएको बताएका हुन् । गौतमका अनुसार बितेको २४ घण्टामा २७ वटा प्रयोगशालाबाट ४ हजार २१६ जनाको नमुना परीक्षण भएको छ । योसँगै संक्रमितको कूल संख्या १७ हजार ८४४ पुगेको छ ।

हाल देशभर गरी ५ हजार ९३६ जना सक्रिय संक्रमित रहेका छन् । पछिल्लो २४ घण्टामा देशभर गरी थप १७३ जना कोरोना संक्रमित डिस्चार्ज भएका छन् । योसँगै कोरोना भाइरस संक्रमणमुक्त हुनेको कूल संख्या ११ हजार ८६८ पुगेको छ । संक्रमित मध्ये ६६.५१ प्रतिशत निको भएको स्वास्थ्य मन्त्रालयले जनाएको छ । हाल देशभरका बिभिन्न क्वारेन्टिनमा २२ हजार २२८ जना रहेका छन् ।