भदाै १ देखि विद्यार्थी भर्ना र परिक्षा संचालन गर्न दिने सरकारको निर्णय

खबर मेरो ४ बर्ष अगाडि

काठमाडौं । कोरोना भाइरस (कोभिड-१९)का कारण ठप्प शैक्षिक संस्थाहरुले भदाै १ गतेदेखि भर्ना र परिक्षा संचालन गर्न पाउने भएका छन् । 

सोमबार बसेको मन्त्रीपरिषद् बैठकले विद्यार्थी भर्ना, शैक्षिक र अन्य परिक्षाहरु संचालन गर्न दिने निर्णय गरेको हो । 

यसरी भर्ना तथा परिक्षा गर्दा सम्बन्धित निकायले जनस्वास्थ्य तथा सुरक्षा मापदण्ड पुरा अनिवार्य रुपमा गरेर गर्नुपर्ने सरकारका प्रवक्ता तथा अर्थ र सूचना तथा संचार प्रविधि मन्त्री युवराज खतिवडाले जनाए ।

विद्यालय, कलेज, ट्युसन सेन्टर, तालिम केन्द्र जस्ता शैक्षिक संस्थाहरू भने अर्को सूचना प्रकाशित नभएसम्म खोल्न नपाइने मन्त्रिपरिषद् बैठकको निर्णय छ ।

शिक्षा, विज्ञान तथा प्रविधि मन्त्रालयले जारी गरेको वैकल्पिक प्रणालीबाट विद्यार्थीको सिकाई सहजीकरण निर्देशिकामा १ असारदेखि व्यवस्थित रुपमै वैकल्पिक पठनपाठन सुरु गर्ने भनिएको छ । निजी तथा संस्थागत विद्यालय अर्गनाईजेसन (प्याब्सन) र एनप्याब्सनले १ साउनदेखि अनलाइन कक्षा ठप्प पार्दै आएका छन् ।