युवतीमाथि एसिड आक्रमण गर्ने भारतीयले भनेः साहुले भनेपछि रक्सी भनेर हानेको एसिड परेछ

खबर मेरो ४ बर्ष अगाडि

काठमाडाैं । काठमाडाैंको सितापाइलामा युवतीमाथि एसिड प्रहार गर्ने भारतीय नागरिक मुन्ना मोहम्मदले साहुको निर्देशनमा एसिड छ्यापेको जनाएका छन् । 

युवतीले आफूलाई प्रेम नगरेको भन्दै राैतहटको लक्षमीपुर घर भइ अहिले काठमाडाैमको डल्लुमा बस्ने मोहम्मद आलमले भारतीय नागरिक मुन्नालाई युवतीमाथि एसिड प्रहार गर्न लगाएपछि भारत जान समेत भनेको खुलेको छ । 

प्रहरीको प्रारम्भीक बयानका अनुसार मुन्नाले आफूलाई एसिड भनेर थाहा नभएको र रक्सीको बोतलमा भएकाले रक्सी नै होला भन्ने लागेको तर, प्रहार गर्दा हातमा पोलेपछि झसंग भएको जनाएका छन् । 

मलाई साहुले युवतीमाथि प्रहार गर्न भने, मैले प्रहार गरेको हुँ । मलाई यसबापत एक रुपैयाँ समेत दिएका छैनन् । मुन्नाले भनेका छन् । 

२२ वर्षीय युवती पवित्रा कार्कीमाथि एसिड प्रहार गराएर आलमले मुन्नालाई भारत भाग्न निर्देशन दिइसकेका थिए । तर, महानगरिय अपराध अनुसन्धान महाशाखा र काठमाडाैम प्रहरी परिसर, टेकुको द्रुत एक्सनका कारण मुन्ना बिहिबार राति नै पक्राउ परेका हुन् । भने, साहु आलमले समेत अपराध स्विकार गरिसकेको प्रहरीले जनाएको छ । 

किर्तिपुर अस्पतालमा उपचाररत युवतीले भने ती व्यक्तिलेआफूलाई एसिड प्रहार गर्लान भन्ने कुरा कल्पना बाहिरको कुरा भएको जनाएकी छन् । उनले आलमलाई एक क्यासिनोमा काम गर्दा चिनजान भएको समेत जनाएको जनाइएको छ ।