देउवाले गरे राप्रपा छाडेका सुनिल थापालाई कांग्रेसमा स्वागत

खबर मेरो ४ बर्ष अगाडि

काठमाडाैं । राष्ट्रिय प्रजातन्त्र पार्टीबाट अलग भएका पूर्वमन्त्री सुनिल थापा नेपाली कांग्रेस प्रवेश गरेका छन् । 

कांग्रेस केन्द्रीय कार्यालय सानेपामा एक भव्य कार्यक्रमकाबीच नेता थापा कांग्रेस प्रवेश गरेका छन् । नवप्रवेशी नेता थापालाई कांग्रेस सभापति शेरबहादुर देउवाले स्वागत गरेका छन् । 

आफ्ना नेता कार्यकर्तासहित राप्रपा छोडेर आएका थापालाई कांग्रेसको सहमहामन्त्री बनाउने सहमति भएको छ।

थापा राप्रपा संस्थापक अध्यक्ष सूर्यबहादुर थापाका छोरा हुन् । राप्रपा एकतासँगै थापालगायत उनको समूह असन्तुष्ट थिए । थापासहित ३१ नेताले शनिबार संयुक्त रूपमा राप्रपामा राजीनामा दिएका थिए ।