भोलिदेखि फेरी सवारीमा जोर-बिजोर लागू

उपत्यकामा राति ९ देखि बिहान ५ बजेसम्म सवारी चलाउन नपाइने

खबर मेरो ३ बर्ष अगाडि

काठमाडाैं । सरकारले बिहिबारदेखि लागू हुनेगरि काठमाडाैं उपत्यकासहित २ सय बढि कोरोना संक्रमित रहेको जिल्लामा सवारी साधनमा जोर बिजोर प्रणाली लागू गरेको छ । 

गृहमन्त्रालयले एक विज्ञप्ति जारी गर्दै काठमाडाैं प्रवेशमा समेत कडाई गर्ने भएको छ । अत्यावश्यक ढुवानीबाहेक उपत्यकामा साँझ ७ बजेदेखि बिहान ७ बजेसम्म प्रवेशमा रोक लगाइएको छ । 

जोर बिजोर प्रणाली लागु भएका सबै जिल्ला र उपत्यकामा राति ९ बजेदेखि बिहान ५ बजेसम्म सवारी साधन समेत चलाउन नपाइने गृहमन्त्रलयले जनाएको छ । यस्तै, अन्तराष्ट्रिय सीमा नाकामा समेत सरकारले पास उपलब्ध गराएका बाहेक अन्यलाई प्रवेशमा थप कडाईका साथ निषेध गर्ने जनाइएको छ ।