गोंगबु हत्या प्रकरणमा एक महिला पक्राउ

खबर मेरो ५ बर्ष अगाडि

काठमाडाैं । आइतबार बिहान बिभत्स ढंगले गरिएको हत्यामा संलग्न रहेको आरोपमा एकजनालाई प्रहरीले चितचनबाट पक्राउ गरेको छ । 

दाङका कृष्णबहादुर बोहराको हत्यामा संलग्न रहेको आशंकामा प्रहरीले चितवनबाट कल्पना शाहीलाई पक्राउ गरेको हो । 

महानगरीय अपराध महाशाखाको टोलीले चितवनबाट पक्राउ गरेर ती महिलालाई काठमाडाैं ल्याउन लागेको स्रोतले जनाएको छ । ती महिला र हत्या गरिएका बोहरा एउटै फ्ल्याटमा बस्दै आएका थिए । 

गोङ्गबुको गणेशस्थान नजिकै सडक छेउ सुटकेसभित्र आइतबार शव भेटिएको थियो । उक्त सुटकेसभित्रकाे शवमा टाउको र खुट्टा भने छुट्टिएकाे थियाे। पछि प्रहरीले डग स्कुलबाट तालिमप्राप्त कुकुरको सहयता लिई टाउको र खुट्टा ३ सय मिटर पर झाेलामा भेट्टाएको थियो ।

प्रहरीले सोमबार दिउँसोसम्म शवको सनाखत गर्न सकेको थिएन। हत्या गरिएका बोहराको तस्वीर दिउँसाे सार्वजनिक गरेपछि उनको पहिचान खुलेको थियो ।

प्रहरीका अनुसार उनका मामा सम्पर्कमा आएपछि प्रहरीले घटना भएको घर पनि फेला पारेको हो ।