पहिरोमा परेर सिन्धुपाल्चोकमा गयो सर्वसाधारणको ज्यान, सभामुख पुगे राहतसहित

खबर मेरो ४ बर्ष अगाडि

काठमाडाैं । प्रतिनिधिसभाका सभामुख अग्नीप्रसाद सापकोटाले सिन्धुपाल्चोक पहिरोमा परेर सर्वसाधारणको ज्यान गुमेपछि आफू अत्यन्तै दुखी बनेको जनाएका छन् । 

सिन्धुपाल्चोकको जुगल गाउँपालिका-०२ लिदीमा पहिरोका कारण १३ घर पूर्णरुपमा ध्वस्त बनेका छन भने, पहिरोमा परि वेपत्ता ३८ जनामध्ये ११ जनाको शव फेला परेको छ । 

सभामुख सापकोटा आफै घटनास्थल पुगेर राहत सामाग्री समेत पुर्‍याएका हुन् । यस्तै पहिरोमा वेपत्ता जनताको खोजी नेपाली सेना, नेपाल प्रहरी र स्थानीयको समन्वयमा भईरहेको छ ।

यस्तै, सापकोटाले कालिकोट जिल्लाको महावै गाउँपालिकामा पहिरोमा परेर एकै परिवारका ६ जनाको ज्यान गएको घटनाले समेत आफूलाई दुखी तुल्याएको जनाएका छन् ।