नेकपाले डाक्यो सचिवालय बैठक

खबर मेरो ४ बर्ष अगाडि

काठमाडाैं । सत्तारुढ दल नेपाल कम्युनिस्ट पार्टी (नेकपा)ले सचिवालय बैठक यही भदौ १३ गतेका लागि बोलाएको छ।

मंगलबार बिहान प्रधानमन्त्री निवास बालुवाटारमा भएको अध्यक्षद्वय केपी शर्मा ओली र पुष्पकमल दाहाल प्रचण्डबीच भएको छलफलले भदौ १३ गते सचिवालय बैठक बोलाउने निर्णय गरेको हो।

अध्यक्ष प्रचण्डका प्रेस सहयोगी विष्णु सापकोटाले दुई अध्यक्षबीच भदौ १३ मा सचिवालय बैठक बोलाउने सहमति भएको जानकारी दिए।

प्रधानमन्त्री ओलीका प्रेस सल्लाहकार सूर्य थापाले पनि दुई अध्यक्षबीच भएको दुई घण्टा लामो छलफलमा भदौ १३ गते ११ बजे पार्टी सचिवालयकोे बैठक बोलाउने सहमति भएको जानकारी दिए।

सचिवालय बैठकको एजेन्डा पार्टीभित्र देखिएको विवाद समधानका लागि बनाइउको कार्यदलले बुझाएको प्रतिवेदन रहेको सल्लाहकार थापाले जानकारी दिए।