फेरी थपियो एक हप्ता निषेधाज्ञा

खबर मेरो ४ बर्ष अगाडि

काठमाडौं । उपत्यकामा फेरी तीन जिल्लाका सिडीओले एक साता निषेधाज्ञा लम्ब्याउने निर्णय गरेका हुन्

गृह मन्त्रायलसँग छलफल गरेपछि उपत्यकाका तीन प्रमुख जिल्ला अधिकारीले निषेधाज्ञा एक हप्ता थप्ने निर्णय गरेका हुन् ।

एक प्रमुख जिल्ला अधिकारीका अनुसार यसपटक केही सेवालाई सञ्चालनका लागि छुट दिइएको छ, तर त्यसबारे केही समयमा सूचना जारी गरी जानकारी गराइनेछ ।

औषधि, खाद्यवस्तु र अत्यावश्यकीय वस्तु खरिदमा यसअघि पनि रोक लगाइएको थिएन । यद्यपि, बाहिर निस्किँदा मास्क अनिवार्य लगाउनुपर्ने भनिएको थियो ।

नियमित सेवा प्रदान गर्नुपर्ने कार्यालय जाने कर्मचारी विहान ९ बजेदेखि साढे १० बजेसम्म र बेलुका ३ देखि साढे ५ बजेसम्म आउजाउ गर्न सक्ने भनिएको थियो ।

होटल, रेष्टुरेन्ट, फुटपाथ पसल अझै बन्द हुनेछन् । बैंक लगायतका निकायले न्यूनतम कर्मचारी राखेर स्वास्थ्य सुरक्षाको मापदण्ड पालना गरी सेवा दिन सक्नेछन् ।

काठमाडौं उपत्यकामा कोरोना भाइरसको संक्रमण बढेपछि तीनै जना प्रमुख जिल्ला अधिकारीले भदौ ३ गतेदेखि सुरु भएको निषेधाज्ञा लागू हुने गरी एक साता निषेधाज्ञा लगाउने आदेश जारी गरेका थिए ।

तर, १० भदौमा फेरि ७ दिनका लागि निषेधाज्ञा लम्ब्याउने निर्णय भएको थियो । जुन आज (बुधबार) राति १२ बजेबाट सकिँदैछ ।