View Top News
×

कांग्रेस महाधिवेशन सर्गर्मीः विचार वा नेतृत्व

खबर मेरो ३ बर्ष अगाडि

कांग्रेस महाधिवेशन सर्गर्मीः विचार वा नेतृत्व

काठमाडाैं । २०७७ को फागुनमा चौधौं महाधिवेशन गर्ने तय भए बाहेक अन्य कुनै पनि पुर्वतयारीको काम नभएको नेपाली कांग्रेसमा पछिल्ला दिनमा भावी नेत्तृव कसले हात पार्ने भनेर रस्साकस्सी शुरु भैसकेको छ ।

सक्रिय कार्यकर्ताको सूची समेत तयार नभएको अवस्थामा अबको ६ महिनामै महाधिवेशन सम्पन्न हुन्छ भन्न जटिल भएपनि संस्थापन इतरका नेता कार्यकर्ता पार्टीलाई बचाउन नयाँ नेतृत्वले काँध थाप्नुपर्ने भन्दै सभापति शेरबहादुर देउवामाथि मनोवैज्ञानिक दबाब दिन शुरु गरेका छन् ।

तर २०७६ को फागुन महिनामा नै महाधिवेशन गर्नुपर्ने भएपनि मिति गुज्रेपछि सभापति देउवाले आफु निकट नेता कार्यकर्ता तथा संभावित महाधिवेश प्रतिनिधिलाई छानेर विभिन्न विभाग गठन गरेका छन् । यसरी गठन गरिएका विभागप्रति पार्टीकै नेताहरुले कटाक्ष गरेपनि सभापति देउवा पछि फर्कने कुनै गुञ्जायस देखिन्न ।

संस्थापन बाहेक पनि पार्टीमा बलियो पकड कायम गरेका रामचन्द्र पौडेल, कृष्ण सिटौला, शेखर कोइराला लगायतका नेतालाई लत्याउदै हालै मात्र सभापति देउवाले आफु निकट मानिने एनपी साउँदको नेतृत्वमा कांग्रेस शुभेच्छुक संस्था समन्वय विभाग गठन गरि ४८ जनाको मनोनयन सार्वजनिक गरे ।

त्यसको केही अघि मात्र उनले पार्टीमा बलियो मानिने सूचना, संचार तथा प्रचार विभागको गठन गरि पार्टी प्रवक्ता विश्वप्रकाश शर्मा लाई जिम्मेवारी दिए । उक्त विभागमा नेपालमा नाम चलेका पत्रकारलाई समेत मनोनयन गरेर देउवाले आगामी महाधिवेशनमा पनि आफु नै नेकाको निर्विकल्प नेतृत्व लिने व्यक्ति भएको सन्देश प्रवाह गरेका छन् ।

विगतदेखि नै घाम झै स्पष्ट रहेको तथ्य के हो भने नेकाको महाधिवेशनमा विचारको बहस विरलै हुन्छ । नेताहरु केवल कुन गुटलाई बलियो पार्ने र नेतृत्व कसरी हत्याउने भन्नेमा केन्द्रित रहँदा देशको सबैभन्दा पुरानो पार्टीभित्रको बेथिती छताछुल्ल देखापर्छ ।

शुक्रबार राजधानीबाट प्रकाशन हुने एक दैनिक पत्रिकामा नेका नेता अर्जुननरसिहं केसीले कांग्रेसलाई परिवर्तन, सुसंगठित र जागरुक बनाएर आफ्नो कार्यकालमा कहाँ पुर्याउने भन्ने एजेन्डा, योजना, संकल्प र लक्ष्यको ब्लुप्रिन्टसहित प्रस्तुत हुने विषयमा सर्वत्र सन्नाटा छ भनेर टिप्पणी लेखेका छन् । केसीको विचारले नेका अहिले दिशाहिन र गतिहिन मात्र होइन भविष्यका लागि पनि आफ्नो गन्तव्य तय गर्न चुकेको आभाष मिल्छ ।

यति समस्या र चुनौतीका पहाडले घेरिदा पनि वर्तमानमा नेका लोकतन्त्रवादी दल भनेर मन्त्र जपेको छ । नेकाले राष्ट्र, राष्ट्रियता, परराष्ट्र नीति, आर्थिक विकास र आन्तिरक लोकतन्त्रमा विरलै छलफल गरेको छ । झन कोरोना महामारीपछि हाम्रो भुराजनीति, विकास र विश्वकै शक्ति सन्तुलनमा बृहत परिवर्तन हुन लागि रहेको समयमा नेकाको महाधिवेशन हुदैछ तर यी कुनै पनि विषयमा नेका नेतृत्व वा आम कार्यकर्ताको गम्भिर ध्यान केन्द्रित छ ।

तै पनि नेकामा यी सवै विषयमा आफ्नो सपाट धारणा निर्माण गर्न र त्यसको नेतृत्व ग्रहण गर्न सक्ने टिमको अपेक्षा छ । तर अहिले नै नेतृत्वको दाबी गरिरहेका शेरबहादुर देउवा, रामचन्द्र पौडेल, विमलेन्द्र निधि, शेखर कोइराला वा अन्यले पनि उक्त अपरिहार्यतालाई अत्यन्तै कम ध्यान दिएको स्पष्टै देखिन्छ ।

यद्यपि शुभेच्छुक, कार्यकर्ता र राष्ट्रको अपेक्षा भने नेकाको नयाँ नेतृत्वले यी सबै मुद्दाहरुमा गहिरो गरि आफ्नो धारणा अभिव्यक्त गरोस र एक गौरवशाली दलको निर्माण होस् भन्ने नै हो । उनीहरु नेकाको अहिलेको प्रतिकृयात्मक राजनीतिबाट दिक्क मात्र छैनन् आफ्नै दलको नेतृत्वप्रति दिक्दारी व्यक्त गरिरहेका छन् ।

अब नेकाले केबल विगतमात्र नभई भविष्यमुखी भएर राजनीतिमा खटिनुपर्ने समयको टड्कारो माग हो भन्दा सान्र्दभिक नै ठहर्छ । तर उक्त दलको बाटो कता भन्नेमा निर्णय गर्न सो दलका आम कार्यकर्ता नै जागरुक बन्नु बुद्धिमतापुर्ण ठहर्छ ।

यसकारण पनि नेकाले अबको महाधिवेशनमा विचार प्रधान भएर अगाडि बढोस् भन्ने सबैको शुभेच्छा नै छ जुन नेकाले आत्मसात गरोस् ।


प्रतिक्रिया

सम्बन्धित समाचार

प्रचण्डको निर्देशनमा कुलमानको कार्यकाल थप्न मन्त्रिपरिषद् बैठकमा प्रस्ताव जाने

काठमाडाैं । नेपाल विद्युत प्राधिकरणमा दुई वर्षका लागि कुलमान घिसिङलाई नियुक्ति गर्न मन्त्रिपरिषद् बै...

विस्तृत पढ्नुहोस्

कांग्रेस महामन्त्री कोइरालालाई कोरोना संक्रमण पुष्टि

काठमाडाैं । नेपाली कांग्रेसका महामन्त्री डा. शशांक कोइरालालाई कोरोना संक्रमण पुष्टि भएको छ । कोरोन...

विस्तृत पढ्नुहोस्

अर्थमन्त्री खतिवडाले दिए राजीनामा, अर्थ र सञ्चार मन्त्रालय प्रधानमन्त्रीको जिम्मामा

काठमाडौं । अर्थ र सञ्चार तथा सूचना प्रविधिमन्त्री डा. युवराज खतिवडाले पदबाट राजीनामा दिएका छन् । स...

विस्तृत पढ्नुहोस्

कांग्रेस महाधिवेशन सर्गर्मीः विचार वा नेतृत्व

काठमाडाैं । २०७७ को फागुनमा चौधौं महाधिवेशन गर्ने तय भए बाहेक अन्य कुनै पनि पुर्वतयारीको काम नभएको न...

विस्तृत पढ्नुहोस्

हिमालयले सार्वजनिक गर्‍यो नियमित उडानको भाडादर

काठमाडाैं । नेपालबाट अन्तर्राष्ट्रिय उडान गर्ने हिमालय एयरलाइन्सले नियमित उडानको भाडादर सार्वजनिक गर...

विस्तृत पढ्नुहोस्

ढोरपाटन बाढी: कल्पनाभन्दा पर

बाग्लुङ । यसवर्षको मनसुन उत्तराद्र्ध लाग्दै गर्दा बागलुङ जिल्लाको ढोरपाटन नगरपालिकाकाका विभिन्न क्षे...

विस्तृत पढ्नुहोस्

वामदेबलाई राष्ट्रियसभामा पठाउने नेकपा सचिवालयको निर्णय

काठमाडौं । सत्तारुढ नेपाल कम्युनिस्ट पार्टी (नेकपा)ले उपाध्यक्ष वामदेव गौतमलाई राष्ट्रियसभामा पठाउने...

विस्तृत पढ्नुहोस्

हुम्लाको रोडिकोटमा भीषण आगलागीः १५ घर नष्ट

हुम्ला । हुम्ला जिल्लाको सर्केगाड सर्केघाड गाउँपालिका– ४ रोडिकोटको ठूलो गाउँमा भीषण आगलागी भएको छ ।...

विस्तृत पढ्नुहोस्
TOP