थप १ सय ५० जनामा देखियो कोरोना संक्रमण, ६ सय ९ जना डिस्चार्ज

खबर मेरो ३ बर्ष अगाडि

काठमाडौं । पछिल्लो २४ घण्टामा नेपालमा थप १ सय ५० जनामा कोरोनाभाइरस संक्रमण पुष्टि भएको छ । 

स्वास्थ्य तथा जनसंख्या मन्त्रालयले दिएको जानकारी अनुसार आज थप १ सय ५० जनामा कोरोना संक्रमण पुष्टि भएको हो । 

योसँगै नेपालमा कोरोना संक्रमितको कूल संख्या १७ हजार ९ सय ९४ पुगेको छ ।

यस्तै बितेको २४ घण्टामा ६ सय ९ जना संक्रमित निको भएर घर फर्किएका छन । योसँगै नेपालमा कोरोना संक्रमित निको भएर घर जानेको संख्या १२ हजार ४ सय ७७ जना पुगेको छ । हालसम्म ६९.३४ प्रतिशत संक्रमित निको भएका छन् । भने सक्रिय संक्रमितको संख्या ५ हजार ४७७ जना रहेको छ ।

बितेको २४ घण्टामा २७ वटा प्रयोगशालाबाट थप ३ हजार ९ सय ६३ जनाको पीसीआर विधिबाट नमुना परीक्षण भएको छ । क्वारेन्टिनमा २१ हजार ७ सय ४ सय जना रहेका छन् ।

यस्तै हालसम्म ७ जिल्ला कोरोनाभाइरस संक्रमणमुक्त रहेको छ । जसमा भोजपुर पाँचथर, संखुवासभा धनकुटा, रसुवा, मनाङ र मुस्ताङ जिल्ला रहेका छन् ।