गोबिन्दराज जोशी कांग्रेसबाट ५ बर्षका लागि निस्काशित

खबर मेरो ४ बर्ष अगाडि

काठमाडाैं । नेपाली कांग्रेसका पूर्वसहमहामन्त्री गोबिन्दराज जोशीलाई नेपाली कांग्रेसले पार्टीबाट निष्काषित गरेको छ । 

कांग्रेस अनुशासन समितिले गोबिन्दराज जोशी, पुस्करनाथ ओझालाई ५ वर्ष र रामबहादुर विष्टलाई ३ वर्षका लागि पार्टीबाट निष्काशन गर्ने निर्णय गरेको हो ।

उनीहरुसँग सोधिएको स्पष्टिकरणमा चित्त बुझ्दो जवाफ नआएको भन्दै कारबाही गरिएको कांगरेसले जनाएको छ । जोशीले गएको निर्वाचनमा तनहुँबाट कांग्रेस वरिष्ठ नेता रामचन्द्र पाैडेलविरुद्ध बागी उम्मेदवारी दिएका थिए । 

यस्तै, पूर्वमन्त्री ओझालाई ५ वर्ष र कांग्रेस डडेल्धुरा सचिव विष्टलाई ३ वर्षका निम्ति काराही गरिएको जनाइएको छ । उनीहरुलाई कांग्रेसले आफ्नो पार्टीको आधिकारीक उम्मेदवारलाई असहयोग गरेको र सम्बन्धित क्षेत्रको उम्मेदवारले समेत उजुरी दिएकाले सोधिएको स्पष्टिकरण चित्त बुझ्दो नभएका कारण कारबाही गरिएको कांग्रेसले जनाएको छ ।