चीनले भरतपुर महानगरपलिकालाई पठायो ३१ लाख बराबरको स्वास्थ्य सामाग्री

खबर मेरो ४ बर्ष अगाडि

काठमाडाैं । चीनको सिगात्से नगरपालिकाले भरतपुर महानगरपालिकालाई कोरोना रोकथाम तथा नियन्त्रण सम्बन्धि स्वास्थ्य सामाग्री उपलब्ध गराएको छ । 

रसुवागढी नाका हुँदै सिगात्से नगरपालिकाले झण्डै ३१ लाख बराबरको स्वास्थ्य सामाग्री पठाएको हो । सिगात्से सरकारले भरतपुर महानरपालिकालाई विभिन्न स्वास्थ्य सामाग्री पठाएको हो । 

सिगात्से नगरपालिका विदेश विभाग मामिला कार्यालयका निर्देशक टिएसर रिङछिङदाले भरतपुर महानगरपालिकालाई कोरोना सम्बन्धि स्वास्थ्य सामाग्री पठाएका हुन् । 

भरतपुर महानगरपालिकालाई चीनको सिगात्से नगरपालिकाले मेडिकल मास्क ५० हजार थान, पीसीआर किट ८ सय जनाका निम्ति, एन ९५ सर्जिकल मास्क १ हजार थान, पीपीई १ सय सेट, फेस सिल्ड १ हजार थान र रबर पञ्जा४ हजार जोडी उपलब्ध गराएको हो । झण्डै ३१ लाख नेपाली रुपैयाँ बराबरको स्वास्थ्य सामाग्री रसुवागढी नाका हुँदै नेपाल आएको हो । 

चीनले पठाएको स्वास्थ्य सामाग्री चिनियाँ व्यापारी च्याङ्गले रसुवागढी पुगेर नेपाल प्रवासी व्यापार संघका प्रतिनिधि मार्फत भरतपुर महानगरपालिकालाई हस्तान्त्रण गरेको जनाइएको छ । उनी नेपालमा लामो समयदेखि विभिन्न निर्माण कार्यमा संलग्न रहेका छन् ।