सुकेधारा र ठूलो भर्‍याङ यातायात कार्यालयले बन्द गरे यी सेवा

खबर मेरो ४ बर्ष अगाडि

काठमाडाैं । यातायात व्यवस्था कार्यालय सवारी चालक अनुमतित्र सुकेधारा र ठूलो भर्‍याङले लाइसेन्स वितरण कार्य बन्द गर्ने भएका छन् । 

आज एक सुचना जारी गर्दै कोरोना महामारीको अवस्थामा समेत कार्यालयमा अत्यधिक भीडभाड हुन गएकाले महामारी फैलिन नदिन सवारी चालक अनुमतिपत्र वितरण कार्य अर्को सुचना नआएसम्मका लागि स्थगित गरिएको हो । 

सुकेधारा र ठूलो भर्‍याङ कार्यालयले सुचना जारी गर्दै आजैका मितिदेखि अर्को सुचना जारी नभएसम्मका लागि लाइसेन्स वितरण कार्य नहुने जनाएका हुन् । 

काठमाडाैंमा पछिल्लो समय मानिसहरुको भीडभाड देखिन थालेको छ भने, कोरोना संक्रमितको संख्या समेत बढ्दै गइरहेको छ ।