राष्ट्रकवि घिमिरेको निधन

खबर मेरो ३ बर्ष अगाडि

काठमाडाैं । राष्ट्रकवि माधव प्रसाद घिमिरेको निधन भएको छ । 

राष्ट्रकवि घिमिरेको साँझको ५ः५५ मा उनको निवासमै निधन भएको पारिवारीक स्रोतले जनाएको छ । 

वि सं  १९७६ साल असोज ७ गते लम्जुङको पुस्तुन गाउँमा जन्मिएका घिमिरे १ सय १ वर्षको उमेरमा निधन भएको हो । उनी स्वच्छन्दतावादी भावधारा र परिष्कारवादी शैली भएका कुशल नेपाली साहित्यकार कवि र गीतकार हुन् । 

गाउँछ गीत नेपाली गीतका सिर्जना गरेका घिमिरेले नारायण गोपालले गाएको 'आजै र राति के देखे सपना'का साथै तारादेवीले गाएको फूलको थुङ्गा बगेर गयो' रचेका थिए ।

२०५४ सालमा ‘हिमालपारि हिमालवारि’ र २०५८ सालमा ‘चारु चर्चा’ कृतिबाट घिमिरेले साझा पुरस्कार तथा २०६७ सालमा पद्मश्री साधना सम्मान पुरस्कार प्राप्त गरेका थिए ।