लकडाउनको अवधिमा म्याद सकिएका सवारी चालक अनुमतिपत्र नविकरणमा जरिवाना नलाग्ने

खबर मेरो ४ बर्ष अगाडि

काठमाडाैं । यातायात व्यवस्था विभागले लकडाउनको अवधीमा सवारी चालक अनुमतिपत्रको म्याद सकिएका सेवाग्रहीलाई भदाैं मसान्तसम्म जरिवाना नलाग्ने गरेर नविकरण गरिदिने भएको छ । 

विभागले लकडाउनको अवधिमा परेर म्याद सकिएका सबै सवारी चालक अनुमतिपत्र नविकरणमा लाग्ने शुल्क मिनाहा गरिएको जनाएको छ । 

सवारी चालक अनुमतिपत्र नविकरण गर्न म्याद बन्दाबन्दी (लकडाउन)को अवधिभित्र परेमा २०७७ भदाै मसान्तसम्म गर्न सक्ने र सो कारणले ढिलो भएवापल/नविकरण म्याद नाघेवापत बुझाउनुपर्ने शुल्क जरिवाना मिनाहा गर्ने व्यवस्था गरेको छ'' सुचनामा भनिएको छ ।

गएको साउन ४ गतेको मन्त्रिपरिषद् बैठकले यसरी बिलम्ब शुल्क नलिने निर्णय गर्दै निर्देशन दिएको थियो । 

सवारी चालक अनुमतिपत्र (ड्राइभिङ लाइसेन्स)को म्याद लकडाउनको हवधिमा सकिएका सवै चालक अनुमतिपत्र नविकरणमा विभागले सिस्टम मोडिफिकेसन समेत गरिसकेकाले जरिवाना नलाग्ने भएको हो ।